Romelu Lukaku, framherji Inter á Ítalíu, sló fimmtán ára gamalt met í kvöld er hann skoraði í níunda leiknum í röð í Evrópudeildinni.
Lukaku hefur gert 31 mark í öllum keppnum á tímabilinu með Inter en hann skoraði í 2-1 sigri Inter á Leverkusen í 8-liða úrslitum Evrópudeildarinnar í kvöld.
Hann var að skora í níunda leik sínum í röð í keppninni og sló þar með met Alan Shearer frá 2005 sem skoraði í átta leikjum í röð.
Lukaku er þá fyrstur í sögu Inter til að skora í sex leikjum í röð í Evrópukeppni.
Ótrúlegt tímabil hjá Lukaku sem er nú á leið í undanúrslit Evrópudeildarinnar með Inter.
Athugasemdir