Kjartan Kári Halldórsson leikmaður Gróttu var ánægður með frammistöðu liðsins í dag þar sem þeir unni 1-0 sigur á Fjölni í Grafarvoginum.
Lestu um leikinn: Fjölnir 0 - 1 Grótta
„Þetta var bara að vinna á baráttunni, við vorum að berjast allan leikinn og svo beittum við bara skyndisóknum og það bara virkaði. Sætur 1-0 sigur."
Grótta er í 3. sæti eftir leikinn í dag og þó þeir geta ekki farið upp um deild þá er það stefnan að enda í þessu sæti.
„Já væntanlega, það er það sem við ætlum að reyna að ná 3. sætinu og bara því besta sem við getum. Það er einn leikur eftir og við verðum að klára það vel."
Tilkynnt var í morgun að Kjartan Kári var valinn efnilegasti leikmaður deildarinnar. Hann er jafnmarkahæstur þegar einn leikur er eftir og hann stefnir á markakóngs titilinn.
„Já það er bara markmiðið núna en væntanlega hugsa ég bara fyrst og fremst um liðið og að okkur gangi vel, svo reynir maður alltaf að skora sem flest mörkin og leggja upp."
Kjartan hefur mikið verið orðaður frá félaginu og það verður að teljast ansi líklegt að hann spilar ekki fyrir Gróttu næsta sumar. Talið er líklegt að hann spili í Bestu deildinni á næsta ári.
„Það kemur bara allt í ljós. Ég er bara að einbeita mér og það er einn leikur eftir og ég ætla að klára það með stæl."
Viðtalið má sjá í heild sinni í spilaranum hér fyrir ofan.
