„Þeir þurfa að vera með smjörputta til að missa bikarinn"

Breiðablik er með 9 stiga forystu á Víking í efsta sæti Bestu deildarinnar þegar tvær umferðir eru eftir áður en úrslitakeppnin hefst.

Margir vilja meina að Íslandsmeistaratitillinn sé kominn í hús hjá Breiðabliki og Sigurður Orri tekur undir það.

„Fyrir mér eru þeir orðnir tíu, þeir þurfa að vera með agalega smjörputta til að missa hann," sagði Sigurður Orri.

„Ég hef gaman af því að það virðast allir vera reyna koma þeim úr jafnvægi. Valsarar og Víkingarnir um daginn en það kemur þeim ekkert úr jafnvægi núna."