Alonso, Neto, Eze, Greenwood, Ramaj, Alli, Son og fleiri góðir í slúðri dagsins
banner
   fös 11. janúar 2013 22:49
Hafliði Breiðfjörð
Fótbolta.net mótið: 500 manns sáu frábær mörk hjá ÍBV og Blikum
Eins og sjá má á þessari mynd var mikill fjöldi áhorfenda í Kórnum í kvöld.
Eins og sjá má á þessari mynd var mikill fjöldi áhorfenda í Kórnum í kvöld.
Mynd: Twitter - Egill Einarsson
ÍBV 1 - 3 Breiðablik:
1-0 Birkir Hlynsson
1-1 Arnar Már Björgvinsson
1-2 Árni Vilhjálmsson
1-3 Árni Vilhjálmsson

Mikill fjöldi áhorfenda lagði leið sína í Kórinn í Kópavogi í kvöld til að sjá opnunarleik Fótbolta.net mótsins þar sem Breiðablik vann 1 - 3 sigur á ÍBV.

Leikurinn gefur góð fyrirheit fyrir mótið því mörkin fjögur voru öll af glæsilegri gerðinni og glöddu hjörtu rúmlega 500 áhorfenda.

Birkir Hlynsson, sonur Hlyns Stefánssonar fyrrverandi landsliðsmanns Íslands gaf tóninn þegar hann kom ÍBV yfir með frábæru skoti fyrir utan teig í bláhornið.

Arnar Már Björgvinsson jafnaði svo metin fyrir Breiðablik eftir frábæran einleik.

Árni Vilhjálmsson var á bekknum hjá Breiðblik í kvöld en kom inná og átti mjög góða innkomu í liðið.

Hann kom Blikunum yfir með bakfallsspyrnu af stuttu færi eftir aukaspyrnu og bætti þriðja markinu við þegar hann klippti boltann frábærlega þegar fimm mínútur voru eftir. Elfar Árni Aðalsteinsson átti einnig skot í þverslá.

Hermann Hreiðarsson þjálfari ÍBV var meðal varamanna í kvöld. Hann gerði sig líklegan til að koma inná seint í leiknum en hætti við þegar Árni skoraði þriðja markið.

Lið ÍBV: Guðjón Orri Sigurjónsson (M), Davíð Þorleifsson, Ragnar Pétursson, Birkir Hlynsson, Hannes Jóhannsson, Ragnar Leósson, Jón Ingason, Jón Gísli Ström, Eiður Aron Sigurbjörnson, Víðir Þorvarðarson, Ian Jeffs.
Varamenn: Hermann Hreiðarsson, Gunnar Már Guðmundsson, Sigurður Grétar Benónýsson, Gauti Þorvarðarson, Óskar Elías Zoega Óskarsson.

Lið Breiðabliks: Arnór Bjarki Hafsteinsson, Hrannar Einarsson, Finnur Orri Margeirsson, Elfar Árni Aðalsteinsson, Rafn Andri Haraldsson, Sverrir Ingi Ingason, Arnar Már Björgvinsson, Þórður Steinar Hreiðarsson, Páll Olgeir Þorsteinsson, Alexander Helgi Sigurðarson, Viggó Kristjánsson.
Varamenn: Gísli Páll Helgason, Sindri Snær Magnússon, Jökull I. Elísabetarson, Árni Vilhjálmsson, Andri Rafn Yeoman, Ósvald Jarl Traustason, Atli Fannar Jónsson.
Athugasemdir
banner
banner
banner