Leikmaður í fimm leikja bann fyrir að pissa á stúkuna

Adi Yussuf, leikmaður Mansfield Town, hefur verið dæmdur í fimm leikja bann fyrir að pissa á bakhlið stúkunnar í D-deildarleik gegn Plymouth í síðasta mánuði.

Yussuf var að hita upp þegar hann þurfti að létta á sér.

Hann hefur játað brot sitt, fékk 700 punda sekt og fimm leikja bann. Adam Murray, stjóri Mansfield, neitaði að verja leikmann sinn og sagði að ákvörðun hans hafi ekki verið boðleg.