þri 11. maí 2021 18:53
Ívan Guðjón Baldursson
England: United tapaði á Trafford og City varð Englandsmeistari
Mynd: Getty Images
Man Utd 1 - 2 Leicester
0-1 Luke Thomas ('10)
1-1 Mason Greenwood ('15)
1-2 Caglar Soyncu ('66)

Manchester United tók á móti Leicester í fyrri leik kvöldsins í ensku úrvalsdeildinni.

Rauðu djöflarnir mættu til leiks með óvanalegt byrjunarlið vegna fjölda leikja á skömmum tíma. Ole Gunnar Solskjær gerði tíu breytingar á byrjunarliðinu.

Leikurinn fór fjörlega af stað þar sem Luke Thomas skoraði glæsilegt mark strax á tíundu mínútu, eftir góðan bolta frá Youri Tielemans.

Það tók Mason Greenwood aðeins fimm mínútur að jafna, hann gerði vel að skapa sér pláss í vítateignum eftir sendingu frá Amad Traore. Táningarnir tengdu vel saman þarna en restin af hálfleiknum var nokkuð bragðdauf.

Leicester spilaði betur í síðari hálfleik og skoraði Caglar Soyuncu á 66. mínútu, um leið og Edinson Cavani og Marcus Rashford var skipt inn á völlinn. Soyuncu skoraði með skalla eftir hornspyrnu.

Rauðu djöflarnir reyndu að jafna en tókst ekki og lokatölur urðu 1-2 sem þýðir að nágrannarnir í Manchester City eru orðnir Englandsmeistarar í fimmta sinn á síðasta áratugi.

Úrslitin þýða einnig að Leicester er í frábærri stöðu í Meistaradeildarbaráttunni.

Til gamans má geta að þetta var fyrsti sigur Leicester á Old Trafford síðan 1998.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner
banner