Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 11. maí 2021 09:30
Elvar Geir Magnússon
Sancho forgangsatriði eða ekki? - Camavinga efstur á lista Arsenal
Powerade
Jadon Sancho.
Jadon Sancho.
Mynd: EPA
Eduardo Camavinga.
Eduardo Camavinga.
Mynd: EPA
Chris Wilder.
Chris Wilder.
Mynd: Getty Images
Sancho, Camavinga, Zakaria, Tomori, Aguero, Bamford, Wilder og fleiri í súðurpakka dagsins. BBC tók saman.

Það er ekki lengur í forgangi hjá Manchester United að fá enska vængmanninn Jadon Sancho (21). Meðal annars vegna þess hversu vel Mason Greenwood (19) hefur verið að spila. (Manchester Evening News)

Sancho hefur ákveðið að snúa aftur til Englands í sumar og Chelsea hefur áhuga ásamt Manchester United. (Bild)

Það er efst á blaði hjá Manchester United að reyna að fá Sancho en áætlanir um að kaupa sóknarmann í sumar hafa verið settar á ís eftir að úrúgvæski sóknarmaðurinn Edinson Cavani (34) gerði nýjan samning. (Times)

Fjárhagsleg óvissa West Ham gerir það að verkum að félagið getur mögulega ekki keypt lánsmanninn Jesse Lingard (28) alfarið frá Manchester United. (Mail)

Efstur á óskalista Arsenal í sumar er franski miðjumaðurinn Eduardo Camavinga (18) sem leikur fyrir Rennes. (Le10Sport)

Arsenal hefur áhuga á Denis Zakaria (24), svissneska miðjumanninum hjá Borussia Mönchengladbach. (90min)

Umboðsmaður Jack Grealish (25), miðjumanns Aston Villa og enska landsliðsins, segir að mörg félög hafi áhuga á leikmanninum. (SNTV)

Leicester City hefur hafið viðræður við franska félagið Lille um kaup á franska miðjumanninum Boubakary Soumare (22) frá Lille í Frakklandi. (Mail)

AC Milan vill kaupa varnarmanninn Fikayo Tomori (23) en enski varnarmaðurinn er hjá félaginu á lánssamningi frá Chelsea. (Goal)

Það er enn forgangsatriði hjá Barcelona að kaupa sóknarmann en norski Erling Haaland (20) yrði besti kosturinn. Sergio Aguero (32) er annar möguleiki. (Mundo Deportivo)

Tottenham Hotspur hyggst selja kólumbíska miðvörðinn Davinson Sanchez (24) í sumar. (Football Insider)

Enski sóknarmaðurinn Patrick Bamford (27) framlengdi samningi sínum við Leeds United síðasta sumar án þess að það rataði í fréttirnar. (The Athletic)

Chris Wilder, fyrrum stjóri Sheffield United, er á meðal nafna á blaði hjá West Bromwich Albion ef Stóri Sam Allardyce lætur af störfum eftir fall úr úrvalsdeildinni. (Sky Sports)



Newcastle United vill kaupa Joe Willock (21) en leikmaðurinn hefur farið á kostum síðan hann kom til félagsins á láni frá Arsenal. (TalkSport)

Newcastle, Crystal Palace, Fulham og Watford hafa fylgst með Gael Kakuta (29), framherja Chelsea. Kakuta er á láni hjá Lens frá Amiens í Frakklandi. (Mail)

Wolverhampton Wanderers og Watford hafa áhuga á að fá senegalska sóknarmanninn Mbaye Diagne (29) sem er á láni hjá West Brom frá Galatasaray. (Football Insider)

Neil Taylor (32), vinstri bakvörður Aston Villa, er á óskalistum Stoke City og QPR í Championship-deildinni. Velski varnarmaðurinn verður samningslaus í sumar. (Sun)
Athugasemdir
banner
banner