Áhersla er lögð á að framkvæmdastjóri gegni leiðtogahlutverki og leggi sig fram við að eiga góð og jákvæð samskipti við alla iðkendur og félaga KFA. Framkvæmdastjóri skal ávallt starfa af heilindum með hagsmuni félagsins að leiðarljósi.

KFA var stofnað árið 2022 og er sameinað knattspyrnulið félaganna í Fjarðabyggð. Stofnfélögin eru: Þróttur Neskaupstað, Austri Eskifirði, Valur Reyðarfirði, Leiknir Fáskrúðsfirði, Súlan Stöðvarfirði og Hrafnkell Freysgoði Breiðdalsvík. KFA er með lið í meistaraflokki karla sem spilar í 2. deild. KFA er í samstarfi með Hetti/Huginn með meistaraflokk kvenna sem spilar undir nafninu FHL og mun á næsta ári leika í Bestu deildinni.

KFA starfrækir líka alla yngri flokka karla og kvenna ýmist undir merkjum KFA eða í samstarfi við önnur lið á Austurlandi.

Helstu verkefni framkvæmdastjóra
- Yfirumsjón með daglegum rekstri og starfsemi Knattspyrnudeildar KFA
- Stýring fjármála, áætlunargerð og kostnaðareftirlit
- Tekjuöflun og markaðsetning deildarinnar
- Eftirfylgni og innleiðing á stefnu deildarinnar í samráði við stjórn og hagsmunaaðila
- Umsjón og eftirfylgni varðandi starfsmannamál
- Innkaup, samningagerð og samskipti við styrktaraðila og birgja
- Efling á umgjörð deildarinnar í samstarfi við stuðningsmenn, sjálfboðaliða og styrktaraðila
- Umsjón stjórnarfunda og upplýsingagjöf til stjórnar
- Ábyrgð á samskiptum við íþróttasambönd, sérsambönd, styrktaraðila, aðrar stjórnir innan KFA, sjálfboðaliða og annarra hagsmunaaðila
- Ábyrgð á fjármálum deildarinnar, uppgjöri og reikningshaldi
- Ábyrgð á gerð greininga, fjárhags- og rekstraráætlana
- Samningamál við leikmenn ásamt stjórn

Menntunar- og hæfniskröfur
- Reynsla af fjárhags- og rekstaráætlun
- Brennandi áhugi á íþróttinni
- Jákvætt lífsviðhorf og framúrskarandi leiðtoga- og samskiptahæfileikar
- Sjálfstæði í starfi og samstarfshæfileikar
- Frumkvæði, faglegur metnaður, skipulagshæfni og drifkraftur
- Almenn tölvufærni og hæfni til að tjá sig í rituðu og töluðu máli
- Íslenskukunnátta er æskileg
- Skipulagshæfileikar og stundvísi
- Hreint sakavottorð er skilyrði
- Háskólamenntun sem nýtist í starfi

Frekari upplýsingar um starfið gefur Jóhann Ragnar Benediktsson, formaður KFA, í síma
8620363 eða í tölvupósti: [email protected]

Umsóknir og umsóknarfrestur
Umsóknum skal fylgja greinargott yfirlit yfir nám og störf ásamt ábendingum um
meðmælendur. Umsóknarfrestur er til og með 22.10.2024.