banner
   mið 12. janúar 2022 09:35
Elvar Geir Magnússon
Dortmund fundar vegna Haaland - Wijnaldum vill ekki til Newcastle
Powerade
Erling Haaland, sóknarmaður Dortmund.
Erling Haaland, sóknarmaður Dortmund.
Mynd: EPA
Georginio Wijnaldum var hjá Newcastle 2015-2016.
Georginio Wijnaldum var hjá Newcastle 2015-2016.
Mynd: Getty Images
Gular viðvaranir og Covid en slúðurpakkinn stendur alltaf fyrir sínu. Haaland, Martial, Rashford, Wijnaldum, Coman, Ndombele, Nketiah og fleiri kunnir kappar koma við sögu í pakka dagsins.

Borussia Dortmund mun funda með fulltrúum Erling Haaland (21) í næstu viku og reyna að finna út hvaða áætlanir norski sóknarmaðurinn er með varðandi framtíðina. (Marca)

Áhugi Sevilla á franska sóknarmanninum Anthony Martial (26) hefur kólnað þar sem félagið getur ekki gengið að kröfum Manchester United til að fá hann lánaðan. (Marca)

Miðjumaðurinn Georginio Wijnaldum (31) hjá Paris St-Germain hefur verið orðaður við Newcastle United en hollenski landlsiðsmaðurinn hefur ekki áhuga á að snúa aftur í sitt fyrrum félag. (Football Insider)

Jose Mourinho, fyrrum stjóri Tottenham, hefur haft samband við Tanguy Ndombele (25) til að reyna að sannfæra franska miðjumanninn um að koma til sín hjá Roma. Ítalska félagið vill gera lánssamning með möguleika á kaupum. (Telefoot)

Enski sóknarmaðurinn Marcus Rashford (24) mun væntanlega ræða við Manchester United um nýjan samning bráðlega. (Mail)

AC Milan reynir að fá sér miðvörð og er með Eric Bailly (27) hjá Manchester United á blaði. Senegalski varnarmaðurinn Abdou Diallo (25) gæti komið á láni. (Fabrizio Romano)

Crystal Palace er í viðræðum um kaup á Eddie Nketiah (22) sóknarmanni Arsenal en samningur hans rennur út í sumar. (Times)

Enski unglingalandsliðsmaðurinn Folarin Balogun (20) hjá Arsenal mun líklega vera lánaður til Middlesbrough í Championship-deildinni út tímabilið. (Sky Sports)

Brighton og Newcastle hafa áhuga á argentínska varnarmanninum Marcos Senesi (24) hjá hollenska félaginu Feyenoord. (Football Insider)

Brentford og Brighton hafa gert tilboð í Hugo Ekitike (19), sóknarmann Reims, en enn er talið líklegast að Newcastle fái Frakkann. (90 Min)

Tottenham vill fá hægri bakvörð, miðjumann og sóknarmann í janúarglugganum eftir að Antonio Conte fundaði með stjórnarformanninum Daniel Levy og yfirmanni fótboltamála, Fabio Paratici. (Telegraph)

Franski vængmaðurinn Kingsley Coman (25) er nálægt því að skrifa undir nýjan samning við Þýskalandsmeistara Bayern München. (Goal)

Chelsea íhugar að kalla enska bakvörðinn Dujon Sterling (22) úr láni frá Blackpool en er bara með glugga til 14. janúar að gera það. (Football League World)

Middlesbrough hefur gert lokatilraun til að skáka Celtic í baráttu um ástraælska miðjumanninn Riley McGree (23) frá MLS-deildarliðinu Charlotte FC. (Mail)
Athugasemdir
banner
banner
banner
banner
banner