banner
   mið 12. febrúar 2020 19:55
Aksentije Milisic
Grikkland: Sverrir Ingi hélt hreinu er PAOK komst áfram
Mynd: Fótbolti.net - Hafliði Breiðfjörð
Panathinaikos 0 - 1 PAOK Thessaloniki FC (0-3 samanlagt)
0-1 Karol Swiderski ('11)

Panathinaikos og PAOK áttust við í 8 liða úrslitum gríska bikarsins í kvöld. Fyrri leik liðanna lauk með 2-0 sigri PAOK og því var á brattann að sækja fyrir Panathinaikos í leiknum í kvöld.

Sverrir Ingi Ingason var að venju í byrjunarliði PAOK og lék hann allan leikinn í hjarta varnarinnar.

Karol Swiderski kom gestunum yfir á 11. mínútu og staðan því orðin 0-3 samanlagt fyrir PAOK. Meira var ekki skorað í leiknum og því góður sigur staðreynd hjá Sverri og félögum sem héldu markinu hreinu enn eina ferðina.

PAOK er nú komið í undanúrslit bikarsins en fyrr í dag komst Olympiacos einnig áfram þegar liðið lagði Lamia að velli, 3-2.
Athugasemdir
banner
banner
banner
banner