Klukkan 17:30 hefst fyrsti leikurinn í 3. umferð Pepsi Max-deildarinnar. Leikurinn fer fram á Dalvíkurvelli þar sem KA hittir fyrir Leikni. Leikurinn er heimaleikur KA en þar sem Greifavöllur er ekki tilbúinn fyrir knattspyrnuleiki var leikurinn færður á gervigrasið á Dalvík.

Arnar Grétarsson, þjálfari KA, gerir þrjár breytingar á liði sínu frá 1-3 sigrinum gegn KR síðasta föstudag. Hrannar Björn Steingrímsson, Jonathan Hendrickx og Rodri eru meiddir. Inn koma Haukur Heiðar Hauksson, Steinþór Freyr Þorsteinsson (Stálmúsin) og Þorri Mar Þórisson.

Sigurður Höskuldsson, þjálfari Leiknis, gerir eina breytingu á sínu liði frá 3-3 jafnteflinu gegn Breiðabliki. Brynjar Hlöðversson er ekki með í dag og Arnór Ingi Kristinsson kemur inn í liðið.

Smelltu hér til að fara í beina textalýsingu frá leiknum