Bale tilbúinn að bíða í tvö ár eftir nýju félagi

Bale og Zinedine Zidane, þjálfari Real, ná ekki vel saman. Bale fær ekki mikið að spila hjá Zidane og neitaði hann að fara með í leikinn gegn Manchester City í Meistaradeildinni í síðustu viku.

Bale er með samning til 2022 og það er ekki stefnan hjá honum að fara frá Real Madrid samkvæmt heimildum Mirror. Hann er á himinháum launum og virðist bara sáttur með lífið í spænsku höfuðborginni.

Bale er magnaður fótboltamaður og það er miður að hann skuli ekki nýta hæfileikana betur. Hann hefur verið gagnrýndur fyrir það á Spáni að taka golfvöllinn fram yfir fótboltavöllinn.

Bale er 31 árs gamall og hefur hann verið hjá Real Madrid síðan 2013 þegar hann var keyptur frá Tottenham.