Kwame Quee, leikmaður Víkings, bar fyrirliðabandið og skoraði í 2-1 tapi Síerra Leóne gegn Marokkó í vináttuleik í dag og mætir því í góðum gír í bikarúrslitin gegn Skagamönnum næstu helgi.
Kwame hefur spilað með landsliði Síerra Leóne frá 2014 en hann bar fyrirliðabandið í fyrsta sinn gegn Marokkó í dag.
Marokkó komst yfir með marki í fyrri hálfleik en eftir klukkutímaleik þá jafnaði Kwame metin. Markvörðurinn varði frá framherja Síerra Leóne og datt boltinn fyrir Kwame sem var einn gegn opnu marki og skoraði.
Síerra Leóne spilaði þrjá vináttuleiki í þessum glugga en liðið undirbýr sig af kappi fyrir Afríkumótið sem fer fram eftir áramót.
Kwame flýgur nú heim til Íslands og undirbýr sig fyrir bikarúrslitaleikinn gegn ÍA sem fer fram á Laugardalsvelli á laugardag.
I cant say much first time captain the senior A National team and i got a goal the result doesn't matter we where better today the fight we put in was awesome i'm super proud of this team 🇸🇱one people we'll achived what we want together🙏❤🇸🇱 pic.twitter.com/ScYyyweVnI
— Kwame Quee-7🇸🇱 (@WizboyKwame) October 12, 2021
Athugasemdir