Wissam Ben Yedder.
Franski fótboltamaðurinn hefur verið dæmdur í tveggja ára skilorðsbundið fangelsi þar sem hann braut kynferðislega á konu fyrr á þessu ári.
Ben Yedder þarf einnig að greiða fórnarlambi sínu 5000 evrur í skaðabætur en það eru tæpar 775 þúsund íslenskar krónur.
Ben Yedder þarf einnig að greiða fórnarlambi sínu 5000 evrur í skaðabætur en það eru tæpar 775 þúsund íslenskar krónur.
Fjallað var um það í frönskum fjölmiðlum að Ben Yedder hefði verið blindfullur eftir viskídrykkju. Hann hafi keyrt með konunni, sem er fædd 2001, í bílakjallara og reynt sjálfsfróun fyrir framan hana á meðan hann snerti á henni lærin. Konan hafi síðan flúið út úr bílnum og farið í felur.
Ben Yedder, sem er núna í áfengismeðferð, sagði við réttarhöldin að hann hefði verið það ölvaður að hann muni ekkert eftir þessum atburði.
Ben Yedder lék síðast fyrir franska landsliðið 2022 en hann hefur lekið nítján landsleiki. Hann hefur spilað fyrir Toulouse, Sevilla, og Mónakó og samtals skorað 259 mörk í 513 leikjum.
Ben Yedder er 34 ára og yfirgaf Mónakó í sumar þegar samningur hans rann út. Hann er án félags núna.
Athugasemdir
