Ronaldo greindist með veiruna eftir skimun hjá portúgalska landsliðinu en hann var eini leikmaðurinn sem reyndist vera smitaður. Hann missir af leiknum gegn Svíþjóð í Þjóðadeildinni á morgun.

„Cristiano yfirgaf landsliðshópinn eftir að hann greindist með kórónuveiruna, svo hann mun ekki mæta Svíþjóð," skrifaði knattspyrnusamband Portúgals.

„Honum líður vel, er án einkenna og er í einangrun. Allir hinir leikmennirnir fóru aftur í skimun í morgun og reyndist enginn annar leikmaður vera með veiruna. Allir aðrir leikmenn eru því klárir og mæta á æfingu í dag."

Ronaldo spilaði allan leikinn þegar Frakkland og Portúgal skildu jöfn í París á sunnudeginum síðasta.