Þeir Edinson Cavani og Luis Suarez leiddu framlínu Úrúgvæ í enn eitt skiptið þegar liðið mætti Kólumbíu í undankeppni fyrir HM í kvöld.

Cavani skoraði fyrsta mark leiksins á 5. mínútu og Luis Suarez bætti við öðru marki úr vítaspyrnu á 54. mínútu.

Það var svo varamaðurinn Darwin Nunez sem skoraði þriðja markið á 73. mínútu og innsiglaði sigur Úrúgvæ. Á 90. mínútu fékk Yerri Mina að líta sitt annað gula spjald og þar með rautt. Mina er miðvörður Kólumbíu.

Úrúgvæ er með sex stig í Suður-Ameríku riðlinum eftir þrjá leiki. Kólumbía er með fjögur stig.