Arsenal er líklegasta liðið til að landa Joao Felix (23) frá Atletico Madrid í janúar. PSG, Man Utd og Aston Villa eru einnig sögð í baráttunni. (Marca)

Það eru „góðar líkur" á því að Arsenal geti krækt í Mykhaylo Mudryk (21) frá Shakhtar í janúar. Hann myndi kosta minna en þær 86 milljónir punda sem Shakthar er sagt vilja fyrir úkraínska kantmanninn. (Athletic)

Liverpool hefur náð samkomulagi við Benfica um kaup á miðjumanninum Enzo Fernandez (21) sem er núna með argentínska landsliðinu á HM. (La Capital)

Real Madrid er einnig með Enzo á blaði ef félagið nær ekki að lenda aðalskotmarki sínu Jude Bellingham (19), næsta sumar. (Sport)

Enska sambandið vill að Gareth Southgate haldi áfram sem þjálfari landsliðsins. Thomas Tuchel, fyrrum stjóri Dortmund, PSG og Chelsea, hefur áhuga á starfinu. (Bild)

Sambandið er tilbúið í að skoða erlend nöfn ef Southgate ætlar sér ekki að vera áfram. (Telegraph)

Brendan Rodgers er nefndur sem líklegasti kosturinn í starfið - ekki Frank Lampard eða Steven Gerrard. (Star)

Brasilía vill að Carlo Ancelotti, stjóri Real Madrid, taki við landsliði sínu eftir að Tite hætti störfum. Brasilíska sambandið setti sig óformlega í samband við Real Madrid í október. (UOL Esporte)

Leicester er tilbúið fyrir einni tilraun í viðbót frá Arsenal til að landa Youri Tielemans (25) í janúar. Samningur hans rennur út næsta sumar. (Mirror)

Chelsea hefur hafið viðræður við Dortmund um að fá Youssoufa Moukoko (18) í sínar raðir á frjálsri sölu næsta sumar því samningur hans rennur þá út. (Nicolo Schira)

PSG hefur áhuga á því að fá franska landsliðsmanninn Ousmane Dembele (25) í sínar raðir frá Barcelona. (El Nacional)

AC Milan er í viðræðum við skotmark Chelsea og Man Utd, Rafael Leao (23), um nýjan samning. Félagið hefur ekki áhyggjur af stöðu Portúgalans. (Gazzetta dello Sport)

Rafael Leao (23) er sagður óviljugur til að framlengja við AC Milan. Hann vill fá meira en þær sjö milljónir evra í árslaun sem verið er að bjóða honum. (Sky Germany)

Unai Emery, stjóri Aston Villa, hefur áhuga á því að fá Arnaut Danjuma (25) og Nicolas Jackson (21) frá sínum fyrrum félagi Villarreal. (Mirror)

Man Utd mun virkja ákvæði í samningum sínum við David de Gea (32), Luke Shaw (27), Fred (29), Marcus Rashford (25) og Diogo Dalot (23) til að framlengja við þá í eitt ár. (MEN)

Leeds ætlar sér að fá Philipp Max (29) vinstri bakvörð PSV í janúar. (Football Insider)

Wilfried Zaha (30) fer líklega frá Crystal Palace á frjálsri sölu næsta sumar. (Fabrizio Romano)

Sevilla vill að Isco (30) fari í janúar, einungis fimm mánuðum eftir að hann kom frá Real Madrid. (Marca)

Bayern Munchen er nálægt því að landa Konrad Laimer (25) miðjumanni RB Leipzig á frjálsri sölu næsta sumar. (Fabrizio Romano)

Tottenham ætlar sér að fara í viðræður við stjóra sinn Antonio Conte um nýjan langtímasamning í vikunni. (Athletic)

Luis Enrique, fyrrum stjóri Barcelona og Roma, vill fara aftur í félagsliðaboltann eftir að hafa stýrt spænska landsliðinu síðustu ár. (Sport)

Mauricio Pochettino, fyrrum stjóri Tottenham og PSG, hefur sagt við vini sína að hann sé opinn fyrir því að taka við Chelsea ef það starf losnar. (Football Insider)

Amazaon er nýjasta fyrirtækið sem orðað er við kaup á Manchester United. Glazer fjölskyldan vill fá sjö milljarða punda sem er óraunhæf upphæð fyrir félagið. (Mail)

Yfirmaður fótboltamála hjá PSV, Marcel Brands, segir að Cody Gakpo (23) gæti verið seldur í janúar. Hann færi ekki fyrir minna en metfé. (Goal)