Finnur Tómas Pálmason, varnarmaður KR, kom inn á sem varmaður undir lokin í sigrinum gegn Breiðabliki í gær.
Þetta var fyrsti leikurinn hjá Finni síðan hann meiddist í opnunarleiknum gegn Val fyrir mánuði síðan.
Alex Freyr Hilmarsson er einnig að komast í sitt gamla form eftir að hafa slitið krossband í júlí í fyrra. Alex hefur ekkert spilað í Pepsi Max-deildinni hingað til en verið á bekknum í fjórum leikjum.
Þetta var fyrsti leikurinn hjá Finni síðan hann meiddist í opnunarleiknum gegn Val fyrir mánuði síðan.
Alex Freyr Hilmarsson er einnig að komast í sitt gamla form eftir að hafa slitið krossband í júlí í fyrra. Alex hefur ekkert spilað í Pepsi Max-deildinni hingað til en verið á bekknum í fjórum leikjum.
„Finnur á möguleika á að byrja í næsta leik ef hann sleppur inn í liðið og Alex Freyr (Hilmarsson) er að nálgast sitt besta form. Við vonumst til að geta byrjað að nota hann sem fyrst," sagði Rúnar Kristinsson, þjálfari KR, eftir leikinn í gær.
„Arnþór Ingi (Kristinsson) var settur á bekkinn, reyndar með smávægileg meiðsl og Óskar (Örn Hauksson) hvíldi í dag. Þessir strákar munu hjálpa okkur fullt í sumar. Við munum þurfa á því að halda í sumar að geta svissað og hvílt menn."
Athugasemdir