Guðbjörg Gunnarsdóttir og sambýliskona hennar Mia Jalkerud, eru á förum frá norska úrvalsdeildarfélaginu Arna-Björnar eftir að verið á mála hjá félaginu í hálft ár.
Þær skrifuðu undir tveggja ára samning við félagið í janúar en hafa fengið honum rift. Síðasti leikur þeirra verður um næstu helgi. Guðbjörg segir frá þessu á samfélagsmiðlum sínum í morgun.
Guðbjörg og Mia eiga tvö lítil börn og hefur félagið ekki náð að útvega þeim leikskólaplássi eins og var lofað. Álagið hafi verið gríðarlegt heima fyrir og nánast ómögulegt fyrir þær báðar að ferðast í útileikina.
Guðbjörg tekur fram að þær hafi verið með yndislega barnapíu sem hafi verið með tvíburunum á æfingatímum. Hún og Mia hafi stólað á aðstoð frá fjölskyldunni með börnin en Noregur hefur verið okað fyrir útlendinga og því hefur ekki verið hægt að fá þá aðstoð.
„Við höfum reynt að finna lausnir á vandamálinu í langan tíma en því miður er ástandið hvorki heilsusamlegt né raunhæft lengur. Við höfum þess vegna komist að samkomulagi við klúbbinn að rifta samningnum og okkar síðastai leikur verður á laugardaginn," segir Guðbjörg.
Mia er markahæsti leikmaður Arna-Björnar með fjögur mörk í deildinni. Guðbjörg lék tvo fyrstu leikina á tímabilinu en hefur verið varamarkvörður liðsins í síðustu sex leikjum.
På lördag blir det sista matchen för mig i Arna-Bjørnar. Tack så mycket för den här tiden❤️🖤🐻 Takk fyrir mig Arna-Bjørnar 😊 pic.twitter.com/L3UbeHWvNt
— Guðbjörg Gunnarsd. (@GuggaGunnars) July 14, 2021
Athugasemdir