Sænski landsliðsmaðurinn Emil Forsberg verður ekki með RB Leipzig er liðið mætir Liverpool í fyrri leik liðanna í 16-liða úrslitum Meistaradeildar Evrópu á morgun.
Forsberg hefur ekki verið með Leipzig síðasta mánuðinn vegna hnémeiðsla en það var upphaflega búist við því að hann myndi ná leiknum á morgun.
Liðin eigast við í Búdapest þar sem Liverpool fékk ekki undanþágu á að fljúga til Þýskalands og spila þar.
Forsberg verður ekki með en hann hefur verið lykilmaður Leipzig síðustu ár.
Hann hefur spilað 26 leiki, skorað 5 mörk og lagt upp önnur 5 á tímabilinu.
Athugasemdir