Jurgen Klopp, stjóri Liverpool, hrósaði sóknarmanninum Divock Origi eftir sigurinn á AC Milan í kvöld.
Það kom á óvart að sjá Origi í byrjunarliðinu þar sem hann hefur ekki fengið mikið hlutverk síðustu mánuði.
Klopp var ánægður með belgíska framherjann og skilur ekki af hverju það komu engin almennileg tilboð í hann í sumar.
„Divock spilaði stórkostlega. Hann fékk krampa, sem er eðlilegt," sagði Klopp eftir leikinn.
„Fólk gleymir því hversu góður hann er. Það er erfitt að koma honum inn í þetta lið. Við héldum að það kæmu tilboð í hann í sumar, en það er augljóst að fólk horfir ekki nægilega mikið á fótbolta," sagði sá þýski jafnframt.
Athugasemdir
