Úrslitaleikur Hauka og Selfoss færður - Spilað undir flóðljósunum á föstudag

Selfyssingar tryggðu sér sæti í úrslitum með 5-0 stórsigri á Álftanesi og leika þar til úrslita í annað sinn. Liðið getur orðið það fyrsta til að vinna keppnina tvisvar en Haukar eru á leið í sinn fyrsta úrslitaleik.

Upphaflega átti leikurinn að fara fram klukkan 14:00 sunnudaginn 20. september en félögin óskuðu eftir því að honum yrði flýtt um tvo daga. KSÍ samþykkti þá beiðni.

Haukar og Selfoss mætast því á Laugardalsvelli á föstudagskvöld og hefst úrslitaleikurinn klukkan 19:00.

Föstudagur 18. september:
19:00 Haukar - Selfoss (Laugardalsvöllur)