Thomas Partey voru kaup sumargluggans að sögn Kevin Campbell fyrrum leikmanns Arsenal en sá fyrrnefndi er nú genginn í raðir félagsins.
Partey kom til Arsenal frá Atletico Madrid fyrir 45 milljónir punda en hann var lengi á óskalista enska liðsins.
Campbell segir að Partey eigi að Arsenal hafi fengið Partey á gjafaverði og að svo góður leikmaður eigi að kosta mun meira í dag.
„Thomas Partey voru kaup sumargluggans. Fyrir Arsenal að fá hann á 45 milljónir punda er stórkostlegt," sagði Campbell.
„Atletico Madrid gerði mistök í kaupákvæðinu sem voru 45 milljónir. Hann er mun betri en verðið segir til um í þessum markaði. Arsenal borgaði það verð og fékk sinn mann."
„Þetta er lykilstaða fyrir félagið, hann er að nálgast hápunkt ferilsins og það mun nýtast Arsenal."
Athugasemdir