Um 10 þúsund áhorfendur geta mætt á Old Trafford á morgun þegar Manchester United mætir Fulham. Áhorfendur verða í síðustu tveimur umferðum ensku úrvalsdeildarinnar.

United er þegar öruggt með sæti í Meistaradeild Evrópu fyrir næsta tímabil og Ole Gunnar Solskjær segist mjög spenntur fyrir því að taka aftur á móti stuðningsmönnum.

„Við höfum lengi beðið eftir því að geta tekið á móti stuðningsmönnum aftur," segir Solskjær.

„Við vonumst eftir því að þriðjudagurinn verði jákvæður dagur, félagið og stuðningsmenn sýni samstöðu og liðið spili góðan fótbolta. Vonandi munum við njóta samverunnar."

Maguire með í úrslitaleiknum?
Harry Maguire, fyrirliði Manchester United, verður ekki með í síðustu tveimur leikjum tímabilsins en hann er meiddur á ökkla. Vonast er til þess að han ngeti spilað gegn Villarreal í úrslitaleik Evrópudeildarinnar þann 26. maí.

Varnarleikur United hefur verið lélegur síðan Maguire meiddist og liðið hefur tapað báðum leikjunum.

„Við höfum vitað það allan tímann hversu góður hann er en kannski hafa einhverjir opnað augun núna þegar hann er ekki að spila. Harry er okkar leiðtogi og fyrirliði," segir Solskjær.

Tweet

Senda a Facebook Hafdu samband Senda frétt Prenta frétt Frétta leit