Mætt til Inter.
Cecilía Rán Rúnarsdóttir er gengin í raðir ítalska félagsins Inter á láni frá þýsku meisturunum í Bayern Munchen.
Landsliðsmarkvörðurinn var í leit að liði þar sem hún fengi mikið að spila á komandi tímabili eftir talsverða bekkjarsetu í bland við erfið meiðsli hjá Bayern.
Landsliðsmarkvörðurinn var í leit að liði þar sem hún fengi mikið að spila á komandi tímabili eftir talsverða bekkjarsetu í bland við erfið meiðsli hjá Bayern.
Cecilía er samningsbundin Bayern fram á sumarið 2026. Hún meiddist síðasta haust og var nánast allt tímabilið fjarri góðu gamni vegna meiðsla. Hún sneri til baka í byrjun maí, og var með í síðustu tveimur landsliðsverkefnum.
Inter endaði í 5. sæti ítölsku deildarinnar á síðasta tímabili. Cecilía verður annar Íslendingurinn til að spila með Inter því Anna Björk Kristjánsdóttir var leikmaður liðsins í tvö ár; yfirgaf félagið síðasta sumar og samdi við Val.
Cecilía á að baki ellefu landsleiki en hún verður 21 árs í næstu viku.
#InterFans, qualcuno ha qualcosa da dirvi ???? #ForzaInter #InterWomen #WelcomeCecilía pic.twitter.com/MTnVQXk3mJ
— Inter Women (@Inter_Women) July 17, 2024
Athugasemdir
