![Powerade](https://www.fotbolti.net/images/POW_banner_150x120px.jpg)
Evrópumótið er að baki og nú bíða fótboltaþyrstir eftir því að enska úrvalsdeildin fari á fulla ferð. Þangað til er bara málið að fylgjast grannt með hverri hreyfingu á markaðnum.
Real Madrid vill fá enska hægri bakvörðinn Trent Alexander-Arnold (25) sem á eitt ár eftir af samningi sínum við Liverpool. (Talksport)
Það er ólíklegt að Manchester United muni reyna að fá Gareth Southgate, fyrrum landsliðsþjálfara Englands til að taka við ef þeir láta Erik ten Hag fara. Þess í stað er búist við að Thomas Tuchel, fyrrverandi stjóri Chelsea, verði efstur á blaði. (Mail)
Aston Villa vill fá 60 milljónir punda frá Al-Ittihad í Sádi-Arabíu ef þeir ætla að samþykkja tilboð í franska sóknarleikmanninn Moussa Diaby (25). (Talksport)
Manchester United er að semja um persónuleg kjör við umboðsmenn franska varnarmannsins Leny Yoro (18) eftir að Lille samþykkti 52 milljóna punda tilboð. Yoro á eitt ár eftir af samningi sínum og er einnig á óskalista Real Madrid. (Guardian)
Marseille hefur náð samkomulagi um kaup á enska framherjanum Mason Greenwood (22) frá Manchester United. (The Athletic)
Belgíski framherjinn Romelu Lukaku (31) árs hefur sagt Napoli að hann sé tilbúinn að ganga til liðs við félagið frá Chelsea ef nígeríski sóknarmaðurinn Victor Osimhen (25) yfirgefur ítalska félagið í sumar. (Fabrizio Romano)
Aston Villa er að búa sig undir að keppa við Chelsea og Barcelona um Nico Williams (22) kantmann Athletic Bilbao sem lék frábærlega með Spáni á EM 2024. (Teamtalk)
Chelsea hefur náð samkomulagi við Boca Juniors um að fá argentínska varnarmanninn Aaron Anselmino (19) fyrir 17 milljónir punda auk viðbóta. (Football Insider)
Al-Nassr hefur slitið viðræðum um kaup á Ederson (30), markverði Manchester City, eftir að tilboði félagsins upp á 30 milljónir evra var hafnað. Al-Nassr reynir nú að krækja í brasilíska liðsfélaga hans Bento (25) hjá brasilíska landsliðinu en hann spilar með Athletico Paranaense. (Fabrizio Romano)
Arsenal á von á frekari tilboðum í enska miðjumanninn Emile Smith Rowe (23) eftir að hafa hafnað tilboði frá Fulham. Crystal Palace hefur einnig áhuga. (Evening Standard)
Cole Palmer hefur reynt að sannfæra liðsfélaga sinn Ollie Watkins (28) hjá enska landsliðinu um að ganga til liðs við Chelsea í sumar. Watkins er hjá Aston Villa. (Football Insider)
Leicester City hefur lagt fram tilboð upp á 21 milljón punda í argentínska sóknarmiðjumanninn Matias Soule (21) en það er ekki nóg fyrir Juventus sem vill að minnsta kosti 25 milljónir punda. (Gazzetta dello Sport)
Athugasemdir