Pep Guardiola, stjóri Manchester City, hefur tjáð sig um atvik sem átti sér stað í leik gegn Arsenal í ensku úrvalsdeildinni í dag.
Raheem Sterling reyndist hetja City í þessari viðureign og gerði eina mark leiksins á 23. mínútu.
Undir lok fyrri hálfleiks kom upp atvik þar sem Sergio Aguero, leikmaður City, setti hendina á öxl aðstoðardómarans Sian Massey-Ellis.
Massey-Ellis kipptist aðeins til eftir snertingu Aguero en Argentínumanninum var ekki refsað fyrir hegðun sína.
Guardiola var spurður út í atvikið eftir lokaflautið en hann segir að Aguero hafi ekkert gert af sér.
„Sergio Aguero er vinalegasti náungi sem ég hef hitt á ævinni. Leitið að vandræðum annars staðar, ekki hérna," sagði Guardiola við blaðamenn.
Möguleiki er að enska úrvalsdeildin fari yfir atvikið og gæti Aguero átt yfir höfði sér refsingu.
Sjá einnig:
Atvikið með Aguero má sjá hér
Athugasemdir