Elías Már Ómarsson var í byrjunarliðinu hjá Excelsior gegn Den Bosch í hollensku B-deildinni í dag.
Keflvíkingurinn var í byrjunarliðinu og spilaði alveg þangað til dómarinn flautaði til leiksloka.
Excelsior komst þrisvar yfir í leiknum, en náði ekki að landa sigrinum. Leikurinn endaði með 3-3 jafntefli. Ruben Rodriguez jafnaði í þriðja sinn fyrir Den Bosch á 84. mínútu leiksins.
Excelsior hefur spilað 15 leiki í deildinni og er í fimmta sætinu með 25 stig, fimm stigum frá toppliði Cambuur.
Excelsior féll úr hollensku úrvalsdeildinni á síðustu leiktíð.
Athugasemdir