Albert Guðmundsson var á skotskónum í dag þegar Genoa vann gífurlega mikilvægan útisigur á Brescia í Serie B deildinni á Ítalíu.
Genoa er í öðru sæti deildarinnar með 56 stig eftir 30 umferðir en liðið er í mikillri baráttu um að komast í deild þeirra bestu á Ítalíu á ný. Sudtirol vann einnig en liðið er að elta Genoa í þriðja sæti deildarinnar. Sudtirol er fimm stigum á eftir Genoa sem stendur.
Eddie Salcedo kom Genoa í forystu seint í fyrri hálfleiknum og það var síðan Albert Guðmundsson sem kom Genoa í tveggja marka forystu með marki á 71. mínútu leiksins eftir stoðsendingu frá Caleb Ekuban.
Það var sama uppskrift í uppbótartíma leiksins en þá skoraði Albert aftur og aftur var það eftir sendingu frá Ekuba. Þessi síðasti nagli frá Alberti í kistu Brescia kom í uppbótartímanum.
Albert hefur verið að spila mjög vel með liði Genoa upp á síðkastið og er í metum hjá stuðningsmönnum liðsins.
Eins og allir vita þá er Albert ekki í íslenska landsliðshópnum sem var opinberaður á miðvikudeginum síðasta en Arnar Þór Viðarsson, landsliðsþjálfari, sagði að Albert væri ekki tilbúinn að koma inn á forsendum liðsins. Hann sagði að Albert vildi vera í byrjunarliðinu og ekki viljað vera á bekknum.
Síðan þá hafa margir tjáð sig um málið en Guðmundur Benediktsson, faðir Alberts, kom með yfirlýsingu í gær.
?? 70’| ALBEEEEEEEEEEEEEEEERT ????????
— Genoa CFC (@GenoaCFC) March 18, 2023
Filtrante di Ekuban per Albert che infila alle spalle del portiere! #BresciaGenoa 0??-2?? pic.twitter.com/Wkmp1C8K53