Sjáðu atvikið sem Skagamenn brjáluðust yfir

Skagamenn voru afar ósáttir við að fá ekki vítaspyrnu undir lokin í 4-2 tapi gegn Val í Pepsi Max-deildinni í gær.

Brynjar Snær Pálsson átti fyrirgjöf sem fór í höndina á Rasmus Christiansen í stöðunni 3-2.

Guðmundur Ársæll Guðmundsson, dómari leiksins, dæmdi ekki vítaspyrnu við litla hrifningu Skagamanna. Arnar Már Guðjónsson, leikmaður ÍA, lét Guðmund Ársæl heyra það á Twitter og Jóhannes Karl Guðjónsson, þjálfari ÍA var einnig ósáttur í viðtali eftir leik.

Vísir hefur birt myndband af atvikinu en það má sjá hér að neðan.

Sjá einnig:
Leikmaður ÍA hraunar yfir dómara leiksins: Guðmundur Ársæll Aumingi Rassgatsson