Championship: Lélegt gengi Hull heldur áfram

Fyrsti leikur dagsins í Championship deildinni er búinn en þar áttust við Hull City og Sheffield Utd.

Hull hefur byrjað tímabilið illa á meðan Sheffield United er um miðja deild. Gestirnir frá Sheffield byrjuðu betur í dag og það var að sjálfsögðu Billy Sharp sem skoraði fyrsta markið fyrir þá.

Hann gat tvöfaldað forystuna rétt fyrir hlé en honum brást þá bogalistinn af vítapunktinum. Það kom ekki að sök því John Egan setti tvennu í síðari hálfleiknum og kláraði leikinn fyrir Sheffield.

Kean Lewis-Potter náði að klóra í bakkann fyrir Tígrisdýrin en það var of lítið og of seint. Hull er nú í fallsæti með aðeins einn sigur eftir fyrstu átta leikina. Sheffield United er í ellefta sæti.