Pepsi Max-deildin: Mögnuð byrjun ÍA heldur áfram

Mögnuð byrjun ÍA heldur áfram. Skagamenn sóttu Breiðablik heim í toppslag í Pepsi Max-deildinni í kvöld. Leikið var á nýja gervigrasinu á Kópavogsvelli fyrir framan góðan fjölda áhorfenda.

Gunnleifur Gunnleifsson er 43 ára gamall en heldur áfram að vera ótrúlega öflugur í marki Blika. Á sjöundu mínútu leiksins þurfti hann að taka á honum stóra sínum.

„Stefán Teitur tekur hér langt innkast sem að Marcus Johansson fleytir lengra í teiginn. Þar lúrir Gonzalo Zamorano en Gunnleifur með geggjaða vörslu. Minnti á David Seaman þarna," sagði Kristófer Jónsson í beinni textalýsingu á Fótbolta.net.

If I can move like @GGunnleifsson when i’m 43-years-old I’ll be a happy man

— Lucas Arnold (@FotboltiLucas) May 19, 2019

Gestirnir af Skaganum voru sterkir framan af í fyrri hálfleiknum en staðan í hálfleik var markalaus.

Breiðablik skoraði á 64. mínútu en markið var dæmt af þar sem það var keyrt inn í Árna Snæ, markvörð ÍA, þegar hann var kominn með boltann.

Á 81. mínútu var Árni Snær heppinn þegar hann missti boltann frá sér. Thomas Mikkelsen kom í pressuna en sem betur fer fyrir Árna þá náði hann boltanum á undan Mikkelsen.

Það lá ekki miklið í loftinu og eikurinn virtist ætla að enda markalaus - þangað til að í uppbótartímann var komið. Þá skoraði Einar Logi Einarsson sigurmark ÍA. Ótrúleg dramatík í Kópavogi! Blikar fengu engan tíma til að svara. Lokatölur 1-0 fyrir ÍA sem er að byrja þetta mót á magnaðan hátt.

3 stig heim!! pic.twitter.com/fWfn0uPySg

— ÍA Akranes FC (@ia_akranes) May 19, 2019

Hvað þýða þessi úrslit?
ÍA, sem er nýliði í þessari deild, er á toppnum með 13 stig eftir fimm leiki. Fjórir sigrar, eitt jafntefli og ekkert tap hjá lærisveinum Jóhannesar Karls Guðjónssonar. Mögnuð byrjun hjá ÍA!

Blikar verða svekktir eftir þetta. Þeir eru í öðru sæti með 10 stig.

Sjá einnig:
Pepsi Max-deildin: Dramatíkin allsráðandi í Eyjum
Pepsi Max-deildin: Frábær sigur KA gegn Stjörnunni