Bukayo Saka leikmaður Arsenal er ekki í leikmannahópi liðsins þegar liðið fær Everton í heimsókn í lokaumferðinni.
Þetta er gríðarlegt áfall fyrir liðið þar sem hann hefur verið frábær en Arsenal er í harðri titilbaráttu gegn Man City. Liðið er tveimur stigum á eftir City.
Greint hefur verið frá því að smávægileg vöðvameiðsli séu að hrjá enska kantmanninn sem hefur skorað 16 mörk og lagt upp níu í deildinni á þessari leiktíð.
„Þetta eru risafréttir. Martineelli er frábær en Saka hefur verið þeirra aðal maður undanfarin ár. Ég sé þetta ekki hafa áhrif á úrslitin samt sem áður," sagði Rio Ferdinand á TNT Sport.
Athugasemdir
