Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   fim 19. september 2019 08:00
Guðmundur Aðalsteinn Ásgeirsson
Ronaldo: Ég var einu skrefi frá Arsenal
Cristiano Ronaldo.
Cristiano Ronaldo.
Mynd: Getty Images
Sagan um það þegar Cristiano Ronaldo gekk í raðir Manchester United hefur oft verið sögð.

Ronaldo, þá 18 ára gamall leikmaður Sporting Lissabon, fór illa með leikmenn United í æfingaleik stuttu áður en enska úrvalsdeildin. Í flugvélinni eftir leikinn fóru leikmenn Man Utd upp að Sir Alex Ferguson, stjóra United, og sögðu við hann að þennan leikmann yrði að kaupa.

Það var svo gert, Ronaldo fékk treyju númer 7 og ættu allir að kannast við söguna eftir það.

Manchester United var ekki eina liðið sem var á eftir Ronaldo árið 2003 því Arsenal hafði einnig mikinn áhuga á honum.

Í viðtali við Arsenal-stuðningsmanninn Piers Morgan segir Ronaldo að hann verið mjög svo nálægt því að ganga í raðir Arsenal áður en hann fór til Manchester United.

„Ég var mjög nálægt því. Einu skrefi frá því. Í alvöru," sagði Ronaldo við Piers Morgan.

Piers færði honum þá Arsenal-treyju.

„Ég vil biðjast afsökunar. Fyrirgefðu mér að ég fór ekki til Arsenal," sagði Ronaldo og bætti við hann bæri mikla virðingu fyrir Arsenal og Arsene Wenger.

Ronaldo er í dag hjá Juventus eftir níu ára dvöl hjá Real Madrid þar sem hann vann Meistaradeildina í fjögur skipti.


Athugasemdir
banner
banner