DC United og Inter Miami áttust við í MLS deildinni í Bandaríkjunum í gærkvöldi.
Íslenski landsliðsmaðurinn Guðlaugur Victor Pálsson lék allan leikinn fyrir DC United en liðið tapaði 3-2.
Taxi Fountas jafnaði metin í 2-2 fyrir DC United eftir u.þ.b 60 mínútna leik og eftir það lenti hann í áflogum við Damion Lowe varnarmann Inter Miami.
Á endanum gaf dómarinn báðum leikmönnum áminningu.
Nokkrir leikmenn hafa tjáð sig um atvikið og segja frá því að Fountas hafi notað N orðið við Lowe sem er landsliðsmaður Jamaíka.
Lowe er 29 ára gamall varnarmaður en hann er í landsliðshópi Jamaíka sem mætir Argentínu í æfingaleik þann 27. september.
MLS sendi frá sér yfirlýsingu í kjölfarið og segir frá því að málið verði rannsakað. Dómararnir urðu ekki varir við þetta og ekkert náðist á myndband samkvæmt dómara leiksins.
