Fotbolti.net
20.02.20 - 18:40
Ívan Guðjón Baldursson

Höfnuðu beiðni Leganes um nýjan framherja

Braithwaite hefur skorað 7 mörk í 39 landsleikjum fyrir Danmörku.

Braithwaite hefur skorað 7 mörk í 39 landsleikjum fyrir Danmörku.

Canon

Mynd: Getty Images

Spænska knattspyrnusambandið og stjórn La Liga hafa hafnað beiðni Leganes um að kaupa nýjan sóknarmann til að fylla í skarðið sem Martin Braithwaite skilur eftir.
Barcelona missti Luis Suarez og Ousmane Dembele í langtímameiðsli og fékk undanþágu frá spænskum knattspyrnuyfirvöldum til að kaupa nýjan sóknarmann utan félagsskiptaglugga.

Barca greiddi riftunarákvæði Braithwaite, 18 milljónir evra, og var Daninn himinlifandi með að skipta yfir til Spánarmeistaranna margföldu. Leganes situr hins vegar eftir með sárt ennið, enda í bullandi fallbaráttu og aðeins þrjá sóknarmenn eftir í hópnum.

Leganes bað því um undanþágu til að kaupa nýjan leikmann en beiðninni var hafnað á þeim forsendum að ekki væri hægt að breyta reglum deildarinnar á miðri leiktíð.

Spænsk félög mega aðeins fá undanþágu til að kaupa nýja menn ef þeirra eigin leikmenn verða fyrir langtímameiðslum. Enginn sóknarmaður félagsins hefur meiðst alvarlega nýlega og því fær félagið ekki undanþágu.

Sjá einnig:
Barcelona komið með leyfi til að kaupa sóknarmann
Barcelona að fá danskan sóknarmann frá Leganes
Nú vill Leganes líka fá undanþágu - Missa mann til Barcelona
Braithwaite til Barcelona (Staðfest)
Braithwaite gerði samning við Barcelona til 2024

La Liga - karlar

#LiðLmunStig
1Barcelona12+3533
2Real Madrid12+2130
3Atletico Madrid12+1328
4Betis12+526
5Real Sociedad12+122
6Sevilla12-218
7Athletic11+416
8Villarreal12+215
9Deportivo12+115
10Racing Santander12-1314
11Celta12013
12Alaves12-213
13Espanyol12-112
14Vallecano11-612
15Getafe12-1012
16Osasuna12-1112
17Levante12-511
18Elche12-610
19Valencia12-129
20Malaga12-145
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.