Henderson hefur verið að spila í stöðu miðvarðar síðustu vikur vegna meiðslavandræða í þeirri stöðu. Þessi meiðslavandræði virðasta engan endi ætla að taka.

Henderson fór í jörðina eftir að Abdoulaye Doucoure elti hann. Doucoure virtist ekki snerta hann. Henderson hélt aftan um læri sitt og leit þetta afar illa út.

Fyrirliði Liverpool reyndi að harka þetta af sér en gat það ekki. Það þurfti að skipta honum af velli fyrir Nathaniel Phillips.

Ben Davies, sem var fenginn frá Preston á síðasta gluggadegi, er á bekknum í dag en Phillips fékk kallið. Núna eru Ozan Kabak og Phillips að spila saman í hjarta varnarinnar hjá Englandsmeisturunum.

Virgil van Dijk, Joe Gomez, Joel Matip og Fabinho eru allir meiddir. Núna er Henderson kominn á meiðslalistann.

Hér að neðan má sjá svipinn á Jurgen Klopp, stjóra Liverpool, þegar Henderson meiddist.