lau 20. mars 2021 20:02
Victor Pálsson
Daníel varð pabbi og tók ekki þátt í sigri
Mynd: Getty Images
Daníel Leó Grétarsson lék ekki með liði Blackpool í dag sem mætti Oxford Utd í ensku þriðju deildinni.

Daníel spilar flesta leiki Blackpool en hann hefur verið meiddur undanfarið og ekki tekið þátt.

Meiðsli voru þó ekki að angra Daníel í dag þegar Blackpool vann 2-0 útisigur á Oxford í mikilvægum leik.

Neil Critchley, stjóri Blackpool, staðfesti það eftir leik að Daníel hafi verið hjá eiginkonu sinni sem eignaðist stúlku.

Daníel og eiginkona hans voru að eignast sitt annað barn en fyrir áttu þau strák.

Daníel ætti að vera klár fyrir næsta leik gegn Peterborough. Blackpool er þremur stigum frá umspilssæti um sæti í næst efstu deild.

Til hamingju Daníel og fjölskylda!


Athugasemdir
banner
banner