Jóhann Ingi dæmir Breiðablik - Stjarnan

Jóhann Ingi Jónsson fær það verkefni að dæma leik Breiðabliks og Stjörnunnar annað kvöld. KSÍ hefur opinberað dómara á föstudagsleikjum deildarinnar.

Það verða dýrmæt stig í boði í Kópavoginum en bæði lið hafa engan veginn staðið undir væntingum í upphafi móts.

Eðvarð Eðvarðsson og Kristján Már Ólafs verða aðstoðardómarar og Kristinn Friðrik Hrafnsson fjórði dómari.

Allir leikir fimmtu umferðar Pepsi Max-deildarinnar verða annað kvöld, nema leikur FH og KR sem verður á laugardag. Uppfært: Ívar Orri Kristjánsson dæmir þann leik.