sun 20. október 2019 13:25
Brynjar Ingi Erluson
Eriksen til PSG - Fer Koulibaly til Man Utd?
Powerade
Kalidou Koulibaly gæti yfirgefið Napoli
Kalidou Koulibaly gæti yfirgefið Napoli
Mynd: Getty Images
Þá er komið að heitasta slúðrinu á þessum ágæta sunnudegi en hér fyrir neðan má sjá það allra helsta úr boltanum.

Manchester City ætlar að bjóða Raheem Sterling 450 þúsund pund á viku en Real Madrid hefur mikinn áhuga á enska landsliðsmanninum og vill City alls ekki missa hann. (Daily Star)

PSG ætlar að berjast við Real Madrid um Christian Eriksen, leikmann Tottenham Hotspur, en hann verður samningslaus næsta sumar. (Daily Mail)

Ole Gunnar Solskjær, stjóri Manchester United, myndi íhuga framtíð sína hjá félaginu ef hann telur sig vera að skemma liðið. (Metro)

Sir Alex Ferguson ræddi við Solskjær á æfingasvæði Manchester United fyrir leikinn gegn Liverpool í dag. (Mirror)

Aurelio De Laurentiis, forseti Napoli, segir að félagið þurfi að öllum líkindum að selja Kalidou Koulibaly bráðlega en Manchester United hefur mikinn áhuga. (Sunday Express)

Dani Ceballos, sem er á láni hjá Arsenal frá Real Madrid, hefur rætt við spænska félagið um framtíðina en hann vill að Arsenal festi kaup á honum eftir lánssamninginn. (El Desmarque)

Tottenham Hotspur er þá að blanda sér í baráttuna um Nathan Ferguson, varnarmann WBA í ensku B-deildinni, en Crystal Palace hefur einnig áhuga. (Sun)

Það er ekki í myndinni hjá Aston Villa að selja skoska leikmanninn John McGinn. (Sunday Express)

Manchester City og Barcelona hafa bæði áhuga á Albert Sambi Lokonga, leikmanni Anderlecht, en hann hefur einnig verið orðaður við Sevilla. (Marca)
Athugasemdir
banner
banner
banner