Brasilíski vængmaðurinn Savio mun ganga í raðir Manchester City í sumar en nú hefur verið skrifað undir alla pappíra þess efnis. Þetta segir Fabrizio Romano á X.
Savio er 19 ára gamall og er þessa stundina á láni hjá Girona frá Troyes í Frakklandi.
Hann hefur farið á kostum með Girona í La Liga þar sem hann hefur skorað fimm mörk og lagt upp sjö.
Manchester City hefur náð samkomulagi við Troyes um kaup á Savio en verðmiðinn kemur ekki fram.
Romano greindi frá því í gær að búið væri að skrifa undir alla pappíra varðandi félagaskipti Savio og gengur hann því formlega til liðs við Man City í sumar.
Girona, Man City og Troyes eru öll í eigu hlutafélagsins City Football Group.
Athugasemdir