Charlie Austin, sóknarmaður West Brom, varaði almenning við kórónuveirunni með sterkum skilaboðum í gær þar sem hann sagðist hafa verið hundveikur vegna veirunnar.
Í kjölfar viðtalsins gaf West Brom frá sér yfirlýsingu og tók þar fram að Austin hafi aldrei tekið kórónuveirupróf.
„Albion vill taka fram að Charlie Austin kom ekki jákvæður úr COVID-19 prófi," segir í yfirlýsingunni.
„Charlie tjáði sig um einkenni sem líktust einkennum kórónuveirunnar fyrir viku síðan og var sagt að setja sjálfan sig í einangrun.
„Charlie tók aldrei kórónuveirupróf og er búinn að jafna sig af veikindunum."
Athugasemdir
