Mikel Arteta og Callum Hudson-Odoi hafa verið greindir með veiruna. Austin, sem leikur fyrir West Brom í toppbaráttu Championship deildarinnar, varaði almenning við veirunni í viðtali við Telegraph.

„Mér leið eins og einhver hafði hellt vatnsfötu yfir mig, ég var rennandi blautur af svita. Áður en ég byrjaði að finna fyrir einkennunum sagði ég í símtali við tengdamóður mína að ef einhver í fjölskyldunni ætti að fá veiruna, þá yrði það vonandi ég. Skömmu síðar byrjaði ég að finna fyrir einkennum," sagði Austin.

„Ég er ungur og hraustur og hélt ég gæti höndlað svona veiru vel. Viku eftir símtalið er ég með þessi skilaboð til ungs fólks, á tvítugs- og þrítugsaldri: Ekki vanmeta þessa veiru, hún er alvarleg.

„Ég skil að fólk sem er ekki sýkt sé enn að lifa sínu lífi. Ég var þannig þar til í síðustu viku. Ég er ekki að segja að ég hafi ekki tekið veirunni alvarlega, en þetta er ákaflega alvarlegt og við ættum að taka því þannig."