Cherki er 20 ára gamall og hefur verið lykilmaður í liði Lyon síðustu tvö ár, en hann á aðeins eitt ár eftir af samningi sínum við félagið.

Cherki kom að 12 mörkum í 39 leikjum með Lyon á síðustu leiktíð og hefur meðal annars verið orðaður við Newcastle og Chelsea á undanförnum mánuðum.

Luis Enrique, þjálfari PSG, hefur miklar mætur á Cherki og er að ýta á eftir því að PSG kaupi þennan efnilega sóknarleikmann.

Ólíklegt er að PSG þurfi að greiða mikinn pening fyrir Cherki, þar sem hann á aðeins eitt ár eftir af samningi, en viðræðurnar við Lyon snúast að mestu leyti um hversu mikla prósentu Lyon fær af næstu sölu leikmannsins þegar dvöl hans hjá PSG mun taka enda.