Vill fara frá Tottenham
Lucas Bergvall vill nýja áskorun
Mynd: EPA
Lucas Bergvall vill nýja áskorun
Mynd: EPA
Sænski miðjumaðurinn Lucas Bergvall hefur óskað eftir því að yfirgefa enska úrvalsdeildarfélagið Tottenham Hotspur í sumarglugganum.
Bergvall, sem er tvítugur, kom til Tottenham frá uppeldisfélagi sínu Djurgården sumarið 2024 eftir að hafa meðal annars hafnað Barcelona. Hann sló í gegn á sínu fyrsta tímabili í Lundúnum og var valinn leikmaður tímabilsins hjá stuðningsmönnum félagsins þegar Tottenham fór alla leið í Evrópudeildinni. Nú vill Svíinn hins vegar fá nýja áskorun.
David Ornstein hjá Athletic greinir frá því að Bergvall hafi tilkynnt stjórn Tottenham að hann vilji skoða aðra möguleika í sumar. Tottenham hafnaði fyrirspurnum í hann í janúarglugganum en félagið gæti nú staðið frammi fyrir því að missa einn efnilegasta leikmann sinn.
Bergvall var í stóru hlutverki undir Ange Postecoglou en staða hans breyttist á síðasta tímabili, fyrst undir Thomas Frank og síðar eftir að Roberto De Zerbi tók við liðinu.
De Zerbi hefur verið að móta liðið eftir sínu höfði og samkvæmt fréttum frá Englandi hefur leið Bergvall inn í byrjunarliðið þrengst. Tottenham hefur horft til miðjumanna á borð við Sandro Tonali og Mateus Fernandes í sumar, sem myndi auka samkeppnina enn frekar á miðjunni.
Bergvall er samningsbundinn Tottenham til ársins 2031 en áhuginn á honum er sagður mikill, bæði á Englandi og annars staðar í Evrópu. Aston Villa og Chelsea hafa áður sýnt sænska landsliðsmanninum áhuga.
David Ornstein hjá Athletic greinir frá því að Bergvall hafi tilkynnt stjórn Tottenham að hann vilji skoða aðra möguleika í sumar. Tottenham hafnaði fyrirspurnum í hann í janúarglugganum en félagið gæti nú staðið frammi fyrir því að missa einn efnilegasta leikmann sinn.
Bergvall var í stóru hlutverki undir Ange Postecoglou en staða hans breyttist á síðasta tímabili, fyrst undir Thomas Frank og síðar eftir að Roberto De Zerbi tók við liðinu.
De Zerbi hefur verið að móta liðið eftir sínu höfði og samkvæmt fréttum frá Englandi hefur leið Bergvall inn í byrjunarliðið þrengst. Tottenham hefur horft til miðjumanna á borð við Sandro Tonali og Mateus Fernandes í sumar, sem myndi auka samkeppnina enn frekar á miðjunni.
Bergvall er samningsbundinn Tottenham til ársins 2031 en áhuginn á honum er sagður mikill, bæði á Englandi og annars staðar í Evrópu. Aston Villa og Chelsea hafa áður sýnt sænska landsliðsmanninum áhuga.
