Lovro Majer þriðji dýrasti í sögu Wolfsburg (Staðfest)
Majer er hugsaður sem arftaki Luka Modric í króatíska landsliðinu.
Mynd: EPA
Majer er hugsaður sem arftaki Luka Modric í króatíska landsliðinu.
Mynd: EPA
Króatíski miðjumaðurinn Lovro Majer er orðinn þriðji dýrasti leikmaður í sögu þýska félagsins Wolfsburg eftir að félagið keypti hann fyrir rúmlega 25 milljónir evra.
Majer gæti orðið næstdýrasti leikmaður Wolfsburg þegar árangurstengdar aukagreiðslur eru teknar með í myndina, en leikmaðurinn kemur úr röðum Rennes í Frakklandi.
Majer er 25 ára gamall með 22 landsleiki að baki fyrir sterkt landslið Króatíu. Hann var mikilvægur hlekkur í liði Rennes og kom í heildina að 25 mörkum í 79 leikjum fyrir félagið.
Wolfsburg endaði í áttunda sæti þýsku deildarinnar á síðustu leiktíð og rétt missti af Evrópusæti. Markmiðið er að ná Evrópusæti á nýju tímabili og er félagið þegar búið að krækja í fleiri leikmenn á borð við Rogério, Tiago Tomás og Vaclav Cerny í sumar.
