Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 21. október 2019 12:45
Fótbolti.net
Þjálfaramálin - Jón Páll orðaður við Víking Ólafsvík
Jón Páll Pálmason er orðaður við Víking Ólafsvík.
Jón Páll Pálmason er orðaður við Víking Ólafsvík.
Mynd: Fótbolti.net - Einar Ásgeirsson
Nýtt þjálfarateymi í Árbænum.
Nýtt þjálfarateymi í Árbænum.
Mynd: Fótbolti.net - Einar Ásgeirsson
Sigurður Ragnar er kominn til Keflavíkur.
Sigurður Ragnar er kominn til Keflavíkur.
Mynd: Keflavík
Palli Gísla tekur aftur við Þór.
Palli Gísla tekur aftur við Þór.
Mynd: thorsport
Gunnar Guðmundsson er orðinn þjálfari Þróttar.
Gunnar Guðmundsson er orðinn þjálfari Þróttar.
Mynd: Þróttur
Þórhallur Dan er orðaður við Njarðvík.
Þórhallur Dan er orðaður við Njarðvík.
Mynd: Fótbolti.net - Hafliði Breiðfjörð
Davíð Smári, þjálfari Kórdrengja.
Davíð Smári, þjálfari Kórdrengja.
Mynd: Fótbolti.net - Hafliði Breiðfjörð
Tvö félög í Inkasso-deildinni gengu frá ráðningum á nýjum þjálfurum á föstudaginn og nú er staðan þannig að tvö félög í deildinni eru án þjálfara. Þá eru þrjú félög í 2. deild karla einnig án þjálfara.

PEPSI MAX-DEILD KARLA:

KR - Rúnar Kristinsson
Þjálfari ársins verður áfram við stjórnvölinn hjá Íslandsmeisturunum, með Bjarna Guðjónsson sér við hlið.

Breiðablik - Óskar Hrafn Þorvaldsson
Óskar tók við Breiðabliki og skipti um starf við Ágúst Gylfason sem fór til Gróttu. Halldór Árnason fylgdi Óskari og er aðstoðarmaður hans hjá Blikum.

FH - Ólafur Kristjánsson
Ólafur verður áfram í Kaplakrika.

Stjarnan - Rúnar Páll Sigmundsson
Rúnar verður áfram en breytingar verða í teymi hans.

KA - Óli Stefán Flóventsson
Óli verður áfram með stjórnartaumana á Akureyri en verið er að leita að öflugum aðstoðarmanni sem getur tekið við keflinu þegar Óli missir út æfingar af fjölskylduástæðum.

Valur - Heimir Guðjónsson
Heimir var staðfestur sem nýr þjálfari Vals en Srdjan Tufegdzic, fyrrum þjálfari KA og Grindavíkur, var ráðinn aðstoðarmaður hans.

Víkingur - Arnar Gunnlaugsson
Bikarmeistararnir halda áfram vegferðinni með Arnar við stýrið.

Fylkir - Atli Sveinn Þórarinsson og Ólafur Stígsson
Árbæingar fóru nokkuð óvænta leið í þjálfaramálum. Atli Sveinn hætti sem yfirþjálfari yngri flokka Stjörnunnar og tók við liðinu ásamt Ólafi Stígssyni. Ólafur Ingi Skúlason er spilandi aðstoðarþjálfari.

HK - Brynjar Björn Gunnarsson
Brynjar hefur verið að gera virkilega flotta hluti með HK og verður þar áfram.

ÍA - Jóhannes Karl Guðjónsson
Jói Kalli gerði fimm ára samning við Skagamenn fyrr á árinu.

Grótta - Ágúst Gylfason
Það fór svo að Breiðablik og Grótta skiptu á þjálfarateymum. Ágúst stýrir Gróttu á fyrsta tímabili liðsins í Pepsi Max-deildinni og Guðmundur Steinarsson verður aðstoðarmaður hans. Grótta er þriðja félagið þar sem Ágúst og Guðmundur starfa saman.

Fjölnir - Ásmundur Arnarsson
Ásmundur kom Grafarvogsliðinu aftur upp í deild þeirra bestu.

INKASSO-DEILD KARLA:

Grindavík - Sigurbjörn Hreiðarsson
Sigurbjörn Hreiðarsson tekst á við á ný að verða aðalþjálfari. Hann stefnir á að koma Grindavík beint aftur upp með aðstoð frá Ólafi Brynjólfssyni aðstoðarþjálfara.

ÍBV - Helgi Sigurðsson
Helgi flytur til Vestmannaeyja og verður með Ian Jeffs sér til aðstoðar.

Leiknir - Sigurður Heiðar Höskuldsson
Siggi Höskulds náði frábærum árangri með Leikni og verður áfram í Breiðholti.

Víkingur Ó. - ÁN ÞJÁLFARA
Ólafsvíkurfélagið hefur fengið nokkrar neitanir í þjálfaraleit sinni en í hlaðvarpsþættinum Dr. Football var Jón Páll Pálmason orðaður við starfið. Undanfarin ár hefur Jón Páll þjálfað norska neðrideildarliðið Stord.

Keflavík - Sigurður Ragnar Eyjólfsson og Eysteinn Húni Hauksson
Keflavík fer í tveggja þjálfara kerfið en Siggi Raggi var ráðinn þjálfari við hlið Eysteins.

Þór - Páll Viðar Gíslason
Palli Gísla er aftur tekinn við þjálfarahlutverkinu hjá Þór en hann gerði þriggja ára samning.

Fram - Jón Þórir Sveinsson
Ný stjórn er tekin við Fram og Jón Þórir Sveinsson heldur áfram um stýrið.

Afturelding - ÁN ÞJÁLFARA
Ekki náðust samningar við Arnar Hallsson um að hann yrði áfram þjálfari og eru Mosfellingar í þjálfaraleit.

Magni - Sveinn Þór Steingrímsson
Það var mikil bæting á Magnaliðinu eftir að Sveinn tók við í sumar og hann náði að halda liðinu uppi.

Þróttur - Gunnar Guðmundsson
Þróttarar kynntu nýjan þjálfara á föstudaginn en það er Gunnar Guðmundsson sem var í sumar aðstoðarþjálfari Grindavíkur.

Leiknir F. - Brynjar Skúlason
Brynjar var þjálfari ársins í 2. deild en Fáskrúðsfirðingar unnu deildina eftir að hafa verið spáð falli fyrir mót.

Vestri - Bjarni Jóhannsson
Gamli refurinn Bjarni Jó náði að koma Vestra upp í Inkasso-deildina.

2.deild karla:

Haukar - ÁN ÞJÁLFARA
Haukar voru með þrjá þjálfara á nýliðnu tímabili. Erfiðlega hefur gengið að finna nýjan mann í brúna eins og kom fram í síðustu viku.

Njarðvík - ÁN ÞJÁLFARA
Rafn Markús Vilbergsson er hættur sem þjálfari Njarðvíkur eftir rúm þrjú ár í starfi. Þórhallur Dan Jóhannsson var orðaður við stöðuna í Dr. Football á dögunum.

Selfoss - Dean Martin
Dean Martin tók við Selfyssingum um mitt sumar 2018. Liðið var hársbreidd frá því að komast upp í ár og Dean mun gera aðra atlögu næsta sumar.

Víðir - Hólmar Örn Rúnarsson
Hólmar er að sigla inn í sitt annað tímabil í Garðinum.

Þróttur V. - Brynjar Gestsson*
Brynjar tók við Þrótti af Úlfi Blandon á dögunum. Brynjar stýrði Þrótti upp í 2. deild sumarið 2017 áður en hann tók við ÍR. Hann er nú mættur aftur í Vogana.

Völsungur - Jóhann Kristinn Gunnarsson
Jóhann hafnaði Þórsurum og verður áfram á Húsavík.

ÍR - Jóhannes Guðlaugsson
Jóhannes tók við ÍR í vor og verður áfram við stjórnvölinn í neðra Breiðholti.

Dalvík/Reynir - Óskar Bragason
Óskar festi nýliðana í sessi í sumar og tekur annað tímabil.

Fjarðabyggð - Dragan Stojanovic
Ekki hefur heyrst annað en að Dragan fari inn í fjórða tímabilið í röð með Fjarðabyggð.

Kári - ÁN ÞJÁLFARA
Þjálfaraleit er í gangi á Akranesi en Kári auglýsti eftir þjálfara á dögunum

Kórdrengir - Davíð Smári Lamude og Andri Steinn Birgisson
Davíð Smári hefur þjálfað Kórdrengi með góðum árangri undanfarin ár og Andri Steinn bættist við þjálfarateymið síðastliðið vor.

KF - Slobodan Milisic
Miló heldur áfram sem þjálfari í Fjallabyggð en hann er á leið inn í sitt fjórða tímabil með liðið.
Athugasemdir
banner
banner
banner