Stuðningsmenn franska liðsins Nantes ætla að koma saman á Place Royale torginu í miðbænum í kvöld og leggja gula túlípana við gosbrunn sem þar er.
Þetta er til að sýna að hugur þeirra sé hjá argentínska fótboltamanninum Emiliano Sala.
Þetta er til að sýna að hugur þeirra sé hjá argentínska fótboltamanninum Emiliano Sala.
Sjá einnig:
Uppfærðar fréttir af málinu
Emiliano Sala - Fæddist í Argentínu en orðsporið varð til í Frakklandi
Sala gerði á dögunum samning við Cardiff City og var í flugvél á leið frá Nantes til Cardiff þegar vélin hvarf af ratsjám. Óttast er að Sala sé látinn ásamt flugmanni vélarinnar en þeir voru tveir um borð.
„Stuðningsmenn Cardiff voru spenntir fyrir Sala. Fótbolti er aukaatriði á þessari stundu. Fótboltasamfélagið stendur saman á svona tímum og margir hafa haft samband og spurt hvort þeir geti aðstoðað," segir Keith Morgan, formaður stuðningsmannafélags Cardiff.
„Okkur er sagt að flugvélin hafi misst stjórn yfir Ermarsundi. Ég er alveg orðlaus, við erum áhyggjufull og það er örvænting," segir Horatio, faðir Sala.
„Ég held enn í vonina um að hann finnist á lífi. Hann er kurteis og góður drengur sem öllum líkar vel við. Ég held að hann hafi komið aftur til Nantes því hann vildi kveðja vini sína." segir Waldemar Kita, forseti Nantes.
Nantes fans will be gathering at the Place Royale tonight and laying yellow tulips by the fountain, to show that Emiliano Sala, the plane's pilot and their families are in their thoughts. https://t.co/R2DXzWh1Vd
— Jeremy Smith (@jeremysmith98) January 22, 2019
Athugasemdir