Í kvöld sigraði Burnley á Old Trafford gegn Manchester United. Leikurinn endaði 0-2 fyrir gestina og var þetta fyrsti sigur Burnley á Old Trafford síðan 1962.
Chris Wood skoraði fyrra mark Burnley og Jay Rodriguez bætti því seinna við snemma í seinni hálfleik.
Rodriguez var í viðtali eftir leikinn: „Þetta er frábært. Það er alltaf gott að koma hingað og spila á einum af bestu völlum heims. Ég hef komið hingað stundum sem áhorfandi," sagði Rodriguez við BBC Match of the Day.
„Þetta er klikkað. Þetta er frábær tilfinning. Strákarnir komu inn í klefann í frábærum gír," sagði Rodriguez um sigurinn.
„Við komum í veg fyrir að þeir náðu að spila sinn leik og við sýndum gæði okkar og særðum þá. Það var gott að komast í tveggja marka forystu," sagði Rodriguez að lokum.
Athugasemdir