Lampard var pirraður á fréttamannafundi

Chelsea hefur aðeins unnið þrjá af síðustu tíu leikjum í öllum keppnum. Einhverjir fjölmiðlar halda því fram að Julian Nagelsmann hjá RB Leipzig sé efstur á blaði ef Lampard fær sparkið.

Lampard virkaði pirraður á fréttamannafundi í dag.

„Ég fylgist ekki með umræðunni en ég er ekki heimskur. Ég veit hvaða pressa fylgir því að vera stjóri hjá toppliði. Ég vinn samt bara mína vinnu og les ekki fjölmiðlana," sagði Lampard á fundinum

Liam Twomey, blaðamaður á The Athletic, spurði Lampard út í það hvort sjálfstraust vantaði í liðið?

„Hreint út sagt þá held ég að sjálfstraust þeirra væri í molum ef þeir myndu lesa það sem þú ert að skrifa," sagði Lampard og sakaði Twomey um óvönduð vinnubrögð.

I’m reluctant to respond at all because I’m really not important to what’s happening at Chelsea (certainly not enough to be discussed in a presser), but I’ll just say I respectfully disagree with Lampard’s opinion of my objectivity.

Good or bad, it’s never personal 👍 #CFC

— Liam Twomey (@liam_twomey) January 22, 2021